வசந்த மாளிகை' ரீ-ரிலீஸ் செய்யப்பட்டு ஆறாம் வாரமாக ஓடுகின்றது

 இன்றைய தலைமுறையினருக்கு ரீ-ரிலீஸ் என்றால் எப்படி இருக்கும் என்பதை சில படங்கள் புரிய வைக்கின்றன. ஒரு நாளில் அன்றைய ரசிகர்கள் விரும்பிய சில படங்கள் சில வருடங்கள் கழித்து மீண்டும் வெளியாகி சில நாட்கள் தென்றல் அளித்துள்ளன. அப்படி ரீ-ரிலீஸில் சாதனை புரிந்த படம் என்றால் எம்ஜிஆர் இயக்கி, நடித்த 'உலகம் சுற்றும் வாலிபன்' படத்தைத்தான் குறிப்பிட வேண்டும். 1973ம் ஆண்டு வெளியான இந்த படம் அத்தனை ஆண்டுகளில் பல தடைகளை கடந்து வெளியாகி மிகப் பிரபலமானதாக உள்ளது. அதன் பின்னர் குறிப்பிட்ட இடைவெளியில் 'புத்தம் புதிய காப்பி, பாலியஸ்டர் பிரின்ட்' என்று அனைத்து தரங்களையும் உயர்த்தி படத்தை ரீ-ரிலீஸ் செய்து வசூல் செய்வார்கள். டிஜிட்டல் வெளியீடுவரையிலும் சமீபத்தில் இந்த படம் ரீ-ரிலீஸ் செய்யப்பட்டுள்ளது.

அந்த விதத்தில் சிவாஜிகணேசன் நடித்த சில படங்கள் மீண்டும் டிஜிட்டலில் வெளியாகி சாதனை புரிந்தது. 'கர்ணன், வீரபாண்டிய கட்டபொம்மன், வசந்த மாளிகை' ஆகிய படங்கள் கடந்த சில வருடங்களில் ரிலீஸ் செய்யப்பட்டு வசூலையும் அள்ளியது. 'வசந்த மாளிகை' படம் சமீபத்தில் மீண்டும் சில பல தியேட்டர்களில் ரீ-ரிலீஸ் செய்யப்பட்டது.

சில தியேட்டர்களில் புதிய படங்களைக் காட்டிலும் நன்றாகவே வசூல் செய்தது. சென்னையில் உள்ள ஆல்பட் தியேட்டரில் இந்தப் படம் 6 வாரமாக ஓடிக் கொண்டிருக்கிறது. அது மட்டுமல்ல அதே தியேட்டரில் 6வது முறையாகவும் ரிலீஸ் செய்யப்பட்டுள்ளது.

அதற்காக சிவாஜி ரசிகர்கள் அத்தியேட்டரில் நிகழ்ச்சி ஒன்றை நடத்தினர். 50 ஆண்டுகள் கடந்தும் ரீ-ரிலீஸில் ஓடியதை முன்னிட்டு சிவாஜி கணேசன் பற்றிய புத்தகம் ஒன்றையும் வெளியிட்டுள்ளார்கள்.